Boiro Novo oponse a instalar os depósitos de gas no casco urbano

As explicacións emitidas polo goberno de Boiro en relación á instalación provisional dos depósitos de gas no Corrillo seguen a se insuficientes. En Boiro Novo criticamos o escurantismo do executivo, para favorecer os intereses dunha gran empresa en lugar de preocuparse do benestar da cidadanía.  Para a nosa asemblea o lóxico sería afastar este tipo de instalacións dos núcleos de poboación, en lugar de emprazalas en pleno casco urbano. Ademasi a transparencia do goberno de Dieste volve a brillar pola súa ausencia ante as numerosas queixas polas dificultades dos veciños afectados para acceder á información. Unha información desta relevancia debera estar publicada no taboleiro de anuncios do concello así como na web municipal e non gardada nun caixon baixo chave no despacho do tenente alcalde.

Pedimos que se abran os baños públicos para as mariscadoras

   Non é de recibo que os baños públicos pagados cos impostos da xente de Boiro non esten dispoñibles todo o ano para as mariscadoras e a veciñanza en xeral e só os abran para a tempada de turismo.

O catastrazo: un expolio ás familias do rural co voto a favor do PP de Dieste

Hai xa 2 anos fomos os primeiros en avisar do novo atraco que chegaría as economías das familias do rural: A regularización catastral tamén coñecida como "CATASTRAZO". Unha taxa 60€ e ademais un incremento retroactivo no IBI dos últimos 4 anos. Recordamos aquí que o PP de Boiro non tivo reparos en votarnos en contra cando propuxemos no seu día medidas para deter ou a lo menos paliar este golpe económico a xente do noso rural. Unha vez máis o alcalde preferiu mirar polos intereses do PP antes que polo dos boirenses.

Presentamos enmendas aos presupostos do estado para a rehabilitación de Goiáns e a mellora do Esteiro

Dende Boiro Novo fixemos os deberes levando os problemas de Boiro alí onde se toman as decisións que afectan ao noso concello. Por iso presentamos 2 emendas aos presupostos do estado, através de En Marea, para recuperar o litoral e a zona costeira do Esteiro e para que sexa o goberno central o que asuma a rehabilitación do Pazo de Goiáns e non haxa que endebedar as arcas municipais en máis de 1 millón de euros, como pretende facer o alcalde Dieste.

 

Boiro Novo levará ó Parlamento, a través de En Marea, a construción dunha residencia pública en Boiro

   É urxente e necesaria unha residencia pública en Boiro. O goberno do PP esta disposto a regalar terreos públicos do Pazo de Goians para que unha empresa privada faga negocio a conta da xente maior. Non podemos aceptar que se faga negocio coas necesidades da xente por iso apostamos por ubha residencia Pública no noso concello. Esa e a petición que están a trasladar os nosos maiores e que dende Boiro Novo imos trasladar tamén ó parlamento galego através de En Marea.

Boiro Novo propón medidas para a dinamización do mercadillo

  O futuro do mercadillo de Boiro está en perigo de serguir minguando como ata o dagora. Mentres o Alcalde pon excusas botándolle a culpa a todo o mundo sen el asumir responsabilidades, dende a nosa asemblea facemos propostas para volver a ter un mercado exitoso que axude a dinamizar a economía do noso concello.

 
Ante a baixada de postos que acoden semanalmente ó mercadiño ambulante dos martes, dende Boiro Novo propoñemos unha serie de medidas para a súa dinamización. Consideramos que tanto a escaseza de servizos para os potenciais clientes como a falla de espazos de aparcamento ou aseos públicos están detrás desta baixa afluencia. Por estas razóns propoñemos a creación dunha comisión na que ademais dos grupos políticos participen representantes do comercio local e dos vendedores ambulantes co fin de consensuar medidas de dinamización. Unha comisión que debería abordar tamén a posible reubicación do mercado, tal e como teñen solicitado algúns comerciantes.