Outra Semana Santa máis a veciñanza de Boiro e os visitantes
que se achegan ao noso concello volveron a ter que sufrir a improvisación e nula planificación do goberno do PP á hora de
preparar debidamente as actuación necesarias para estas datas. Outro ano máis a
xente volveu a atoparse co aparcadoiro
do concello pechado, cuxa apertura e moi necesaria tendo en conta ademais a
redución das prazas de estacionamento a causa dos distintos actos programados.
A isto volveuse a unir unha vez máis as xa recorrentes
deficiencias na limpeza viaria estando algúns dos contenedores do centro urbano
varias xornadas rebosando de lixo.
Este ano ademais
coñecemos a noticia de que esta falla de planificación se trasladou tamén á limpeza das praias do noso concello.
Froito das presas de ultima hora e da improvisación, o goberno quixo actuar pola vía rápida atentando contra unha especie ornitolóxica ameazada e protexida da
nosa costa como é a PÍLLARA PAPUDA. O goberno incumpriu claramente a lexislación medioambiental vixente (DOG do 31 de Xaneiro de 2014) usando medios mecanizados
na limpeza cando se debería ter feito de xeito manual para evitar danar o menos
posible o medio ambiente.
Todo isto demostra unha grave
incompetencia e falta de xestión municipal que padece o noso concello por parte
de un goberno máis preocupado en sementar divisións entre a veciñanza que de
xestionar o público. Por iso dende Boiro
Novo pediremos explicacións no próximo pleno municipal ao Alcalde Dieste, exixindo
con todos os nosos medios que estes feitos que prexudican gravemente a nosa veciñanza ao turismo e ao medio ambiente
non se volvan a dar.
